Rialacha agus prionsabail

Nósanna imeachta trédhearcacha do chách

Is cuma má tá iarratas á dhéanamh agat ar dheontas atá á bhainistiú ag an gCoimisiún Eorpach nó ag údarás bainistíochta náisiúnta, nó má tá tú ag glacadh páirt i nglao ar thairiscintí, tá tú i dteideal cóir chomhionann agus rochtain ar fhaisnéis.

Is é atá i gceist le nósanna imeachta trédhearcacha go bhfoilsítear glaonna ar thograí ar shuíomh gréasáin an Choimisiúin Eorpaigh. Bíonn an prionsabal céanna trédhearcachta i bhfeidhm maidir le cistí an Aontais a bhainistítear ar an leibhéal náisiúnta nó réigiúnach.

Foilsítear glaonna ar thairiscintí an Choimisiúin ar a shuíomh gréasáin, in Iris Oifigiúil an Aontais Eorpaigh agus sa bhunachar sonraí Tenders Electronic Daily (TED).

Foilsítear faisnéis faoin maoiniú ón Aontas atá á bhainistiú go díreach ag an gCoimisiún Eorpach (ainmneacha agus na méideanna a fuarthas) sa chóras trédhearcachta airgeadais (FTS).

I gcás maoiniú atá á bhainistiú ag tíortha an Aontais, tá sé éigeantach ainmneacha na n-eagraíochtaí tairbhíocha a fhoilsiú freisin. Áirítear leis sin cistiú a chuirtear ar fáil faoin gcomhbheartas talmhaíochta, faoin mbeartas muirí agus iascaigh agus faoi chistí struchtúracha agus infheistíochta. Foilsíonn tíortha an Aontais an fhaisnéis sin ar a suíomhanna gréasáin náisiúnta.

• Rialachán
• 11 Nollaig 2018

Rialachán Airgeadais an Aontais

Is é an Rialachán Airgeadais an príomhphointe tagartha do na prionsabail agus na nósanna imeachta lena rialaítear bunú, cur chun feidhme agus rialú bhuiséad an Aontais.