Ħarsa ġenerali lejn l-Att dwar is-Swieq Diġitali L-Att dwar is-Swieq Diġitali jistabbilixxi sett ta’ kriterji oġġettivi definiti b’mod ċar biex pjattaforma online kbira tikkwalifika bħala “gwardjan” u jiżgura li din taġixxi b’mod ġust online u li tħalli lok għal kontestabbiltà. L-Att dwar is-Swieq Diġitali huwa wieħed mill-elementi ċentrali tal-istrateġija diġitali Ewropea. X’inhuma l-gwardjani? Il-gwardjani huma pjattaformi diġitali kbar li jipprovdu sett predefinit ta’ servizzi diġitali (“servizzi ewlenin tal-pjattaforma”), bħal magni tat-tiftix online, app stores, u servizzi tal-messaġġi. Dawn il-kumpaniji jkollhom: pożizzjoni ekonomika b’saħħitha, impatt sinifikanti fuq is-suq intern, u jkunu attivi f’aktar minn pajjiż wieħed tal-UE; pożizzjoni b’saħħitha ta’ intermedjazzjoni, li jfisser li jpoġġu f’kuntatt bażi kbira ta’ utenti ma’ numru kbir ta’ negozji; pożizzjoni solida u durabbli fis-suq, li jfisser li l-pożizzjoni tagħhom ilha stabbli għal tul ta’ żmien. Fis-6 ta’ Settembru 2023, il-Kummissjoni Ewropea nnominat għall-ewwel darba sitt gwardjani - Alphabet, Amazon, Apple, ByteDance, Meta, Microsoft. B’kollox, ġew indikati 22 servizz ewlieni tal-pjattaformi pprovduti minn dawn il-gwardjani. X’inhuma l-benefiċċji tal-Att dwar is-Swieq Diġitali? L-utenti kummerċjali li jiddependu fuq il-gwardjani biex joffru s-servizzi tagħhom fis-suq uniku se jkollhom ambjent tan-negozju aktar ġust. L-innovaturi u n-negozji ġodda tat-teknoloġija se jkollhom opportunitajiet ġodda biex jikkompetu u jinnovaw fl-ambjent tal-pjattaformi online mingħajr ma jkollhom jikkonformaw ma’ termini u kundizzjonijiet inġusti li jillimitaw l-iżvilupp tagħhom. Il-konsumaturi se jkollhom aktar servizzi u ta’ kwalità aħjar minn fejn jagħżlu, aktar opportunitajiet biex jibdlu l-fornitur tagħhom jekk jixtiequ, aċċess dirett għas-servizzi, u prezzijiet aktar ġusti. Il-gwardjani se jżommu l-opportunitajiet kollha biex jinnovaw u joffru servizzi ġodda. Sempliċement mhux se jitħallew li, biex jiksbu vantaġġ mhux dovut, jużaw prattiki inġusti fir-rigward tal-utenti kummerċjali u l-konsumaturi li jiddependu fuqhom. Obbligi ċari tal-gwardjani fl-UE kollha Ir-regoli l-ġodda jistabbilixxu obbligi għall-gwardjani, li jiddefinixxu x’jistgħu u ma jistgħux jagħmlu fl-operazzjonijiet tagħhom ta’ kuljum. Eżempji ta’ obbligi - Il-pjattaformi gwardjani jridu: jippermettu lil partijiet terzi jinteroperaw mas-servizzi proprji tal-gwardjan f’ċerti sitwazzjonijiet speċifiċi;jippermettu lill-utenti kummerċjali tagħhom jaċċessaw id-data li jiġġeneraw meta jagħmlu użu mill-pjattaforma tal-gwardjan;jipprovdu lill-kumpaniji li jirreklamaw fuq il-pjattaforma tagħhom bl-għodod u l-informazzjoni meħtieġa biex dawk li jirreklamaw u l-pubblikaturi jwettqu l-verifika indipendenti tagħhom stess tar-reklami tagħhom li jkunu ospitati mill-gwardjan;jippermettu lill-utenti kummerċjali jippromwovu l-offerta tagħhom u jikkonkludu kuntratti mal-klijenti barra mill-pjattaforma tal-gwardjan. Eżempji ta' “x’ma għandhomx jagħmlu” - Il-pjattaformi gwardjani mhux se jkunu jistgħu: jittrattaw servizzi u prodotti offruti mill-gwardjan innifsu b’mod aktar favorevoli fil-klassifikar minn servizzi jew prodotti simili offruti minn partijiet terzi fuq il-pjattaforma tal-gwardjan;iwaqqfu lill-konsumaturi milli joħolqu rabtiet ma’ negozji barra mill-pjattaformi tagħhom;iwaqqfu lill-utenti milli jneħħu l-istallazzjoni ta’ kwalunkwe software jew app installati minn qabel jekk ikunu jixtiequ jagħmlu dan;jittraċċaw utenti finali barra mis-servizz tal-pjattaforma ewlenija tal-gwardjani għall-fini ta’ reklamar immirat, mingħajr ma jkun ingħata kunsens effettiv. Sib l-aħħar każijiet, akkwiżizzjonijiet u aġġornamenti dwar l-obbligi X'se jkunu l-konsegwenzi tan-nuqqas ta’ konformità? Multisa 10% tal-fatturat annwali dinji totali tal-kumpanija, jew sa 20% fl-avveniment ta’ ksur ripetutĦlasijiet perjodiċi ta’ penalisa 5% tal-fatturat medju ta’ kuljumRimedjiF’każ ta’ ksur sistematiku tal-obbligi tad-DMA mill-gwardjani, jistgħu jiġu imposti rimedji addizzjonali fuq il-gwardjani wara investigazzjoni tas-suq. Tali rimedji jeħtieġ li jkunu proporzjonati għar-reat imwettaq. Jekk ikun meħtieġ u bħala l-aħħar għażla, jistgħu jiġu imposti rimedji mhux finanzjarji. Dawn jistgħu jinkludu rimedji komportamentali u strutturali, eż. iċ-ċessjoni ta’ (partijiet ta’) negozju. Xi jfissru r-regoli l-ġodda għall-utenti, għan-negozji, u għall-pjattaformiUtentiSib aktar informazzjoni dwar ir-regoli l-ġodda għall-utentiNegozjiSib aktar informazzjoni dwar ir-regoli l-ġodda għan-negozjiPjattaformiSib aktar informazzjoni dwar ir-regoli l-ġodda għall-pjattaformi Ċertezza legali għall-pjattaformi S’issa, l-inizjattivi leġiżlattivi nazzjonali fl-Istati Membri tal-UE indirizzaw parzjalment il-problemi identifikati iżda wasslu wkoll għal aktar frammentazzjoni regolatorja fl-UE. Dan jista’ joħloq spejjeż addizzjonali ta’ konformità għall-pjattaformi li joperaw b’mod transfruntier. X’se jbiddel l-Att dwar is-Swieq Diġitali l-ġdid: Il-gwardjani għandhom obbligi definiti b’mod ċar li jridu jirrispettaw. Pjattaformi oħrajn, bħal atturi iżgħar, SMEs, u negozji ġodda innovattivi, mhux se jkunu soġġetti għal dawn ir-regoli iżda se jkunu jistgħu jibbenefikaw minn imġiba aktar ġusta meta jagħmlu negozju mal-gwardjani. Inqas spejjeż tal-konformità għall-gwardjani u l-utenti kummerċjali tagħhom. Il-Kummissjoni kif se tiżgura li d-DMA jlaħħaq mas-settur diġitali li qed jevolvi b’rata mgħaġġla? Biex jiġi żgurat li r-regoli l-ġodda għall-gwardjani jlaħħqu mal-pass mgħaġġel tas-swieq diġitali, il-Kummissjoni se twettaq investigazzjonijiet tas-suq. Dawn lill-Kummissjoni se jippermettulha tikkwalifika kumpaniji bħala gwardjani; taġġorna b’mod dinamiku l-obbligi għall-gwardjani meta jkun meħtieġ; tfassal rimedji biex jiġi indirizzat il-ksur sistematiku tar-regoli tal-Att dwar is-Swieq Diġitali. Dokumenti 12 OTTUBRU 2022Regulation on Digital markets act Links relatati Att dwar is-Swieq Diġitali
